„Семејството не е дефинирано само по презимето или крвта, тоа е дефинирано според посветеноста и љубовта.
Ова значи да бидете таму кога сте потребни најмногу.
Ова значи да се грижите еден за друг.
Ова значи да се сакате едни со други дури и во оние денови кога не можете да се поднесете.
Ова значи никогаш да не се откажете едни од други.“ – Дејв Вилис
Секој од нас тежнее да се оствари како соодветен брачен партнер, родител, тежнеејки кон среќно семејство, мир и благосостојба. Во продолжение ќе ве потсетиме на златните правила за среќно семејство!!!
Среќа е кога дома сте сите заедно – Би било потребно секојдневно да посветите одредено и квалитетно време со членовите на вашето семејство. Не заборавајте дека да се биде заедно со луѓето што ги сакате и им значите е вистинска среќа.
Заедно на појадок, ручек или вечера – Некои научници откриле дека силната поврзаност помеѓу членовите во домот се должи на заедничките оброци !
Брак –пример за љубов – Среќната и стабилна врска помеѓу сопружниците влијае за среќата во домот. Тоа влијае и во подоцнежниот живот на децата!
Пријателите се тука но семејството е на првото место – Семејните игри се многу битни во домот, браќата и сестрите треба да градат среќен тимски дух. Богатство е да се има пријатели но семејството секогаш треба да ви биде на пиедесталот!
Не претерувајте со активностите вон училиште – За доброто на детето е да има дополнителни вон училишни активности но преголемиот обем на обврски може да ги замори и да ги оттргне од домот. Ви препорачуваме заедно да практикувате трчање, возење велосипед,пливање и сл.
Никако кавги пред децата – Одбегнувајте ги кавгите и расправиите пред децата, сепак доколку се случат им должите објаснување која е причината. Децата се чувствуваат најсигурни кога помеѓу родителите владее хармонија, разбирање и надополнување.
Создадете навика за заедничко дружење – Задолжителен неделен ручек, Задолжително заедничко гледање на некоја семејна серија или филм, фамилијарно спортување сето ова е добро за заедништво, дружење и семејна социјализација. Направете нешто што ве поврзува и ве прави среќни.
Отворено да се зборува за се – Добрата и отворена комуникација во домот е најважното нешто за среќно семејство. Направете простор за доверливост кај децата, да имаат на кого да се потпрат и кому да ги искажат своите проблеми.
